Дер. Мурованка (Гродненская обл.) Церковь-крепость XVI век. Яшчэ адзін помнік так званай «праваслаўнай готыкі» захаваўся ў весцы Мураванка (дакладней, у весцы Скрыбаўцы, што побач), недалек ад горада Ліда. Мясцовай царкве Раства Багародзіцы не аднойчы прыходзілася на справе спазнаць, што яна не толькі храм, але і крэпасць. У XVII стагоддзі яна была пашкоджана ў руска-польскай вайне, у 1706 годзе ў час Паўночнай вайны папала пад артылерыйскі абстрэл войскаў Карла XII, была моцна пашкоджана і амаль сто гадоў не дзейнічала. У XIX стагоддзі ў час капітальнага рамонту яе часткова перабудавалі, у пачатку XX - перарабілі пад касцел, пры савецкай уладзе зачынілі і выкарытоўвалі як калгасны амбар. Зноў старадаўняю праваслаўнаю царкву адбудавалі ў 1988-90 гадах. Праз высокія вежы можна падняцца ў размешчаны над царкоўнай часткай баявы ярус, паглядзець з вышыні навокал скрозь вокны вежаў і шчыліны старых байніц. Наогул жа падобных абарончых цэркваў не так даўно на Беларусі было не дзве, і тры. Акрамя размешчаных у Мураванке і Сынкавічах, яшчэ адна, Супрасльская Благавешчанская царква-крэпасць знаходзілася ў наваколлі Беластока, які пасля вайны перайшоў да Польшчы. На жаль, гэты ўнікальны помнік праваслаўнага дойлідстава быў назаўседы страчаны у 1944 годзе, калі фашысты пры адступленні ўзарвалі царкву. Прычым зрабіць гэта змаглі толькі ваенныя спецыялісты па моцных узрывах – настолькі трывалай была старадаўняя пабудова. Развернуть на весь экран murovanka_1.jpg Закрыть окно