г. Несвиж Минская вобл. Дворец Радзивиллов XVI-XVIII в. Ствараўшыйся на працягу некалькіх стагоддзяў палацава-паркавы комплекс у Нясвіжы - выдатны твор мастацтва, цэлая сістэма манументальных будынкаў, прыродных і штучных вадаемаў, паркавых масіваў. Багацейшы некалі род князеў Радзівілаў, буйнейшых магнатаў Вялікага Княства Літоўскага, мог дазволіць сабе любую раскошу, уключаючы, зразумела, запрашэнне лепшых дойлідаў і майстраў з Еўропы. У Нясвіжы яны пабудавалі, па сутнасці, цэлы горад, які спалучаў у сабе фартыфікацыйныя функцыі і высокамастацкія вартасці. Замак, пабудаваны пад кіраўніцтвам італьянскага архітэктара Бернардоні, стаў адным з найбольш магутных і дасканалых на Беларусі. Узвядзены на паўвостраве і акаймаваны шырокім вадзяным ровам і высокімі валамі, ен атрымаў адразу два вадзяных рубяжы і трапіць з горада на гэты штучны востраў можна было толькі праз масты, якія надзейна кантралявалі абаронцы замка. У 1654 і 1659 годзе замак вытрымаў настойлівыя атакі рускіх войскаў, і толькі ў 1706 годзе войскі шведскага караля Карла XII пасля працяглай аблогі ўсе ж занялі яго, абрабавалі палац і ўзарвалі бастыены. У савецкі час палац Радзівілаў выкарыстоўвалі як санаторый для перадавікоў сельскай гаспадаркі, але вось ужо некалькі гадоў, як тут пачаліся сур’езныя рэстаўрацыйныя работы. См. также фото nesviz_2 См. также фото nesviz_3 См. также фото nesviz_4 Развернуть на весь экран nesviz_1.jpg Закрыть окно