|
"Своеасаблiвы гiстарычны даведнiк," - так
кажуць пра архiтэктурную спадчыну. Сапраўды, яе мураваныя старонкi здольны
вельмi многае паведаць пра краiну i яе народ. Беларусь - невялiкая тэрыторыя
ў самым цэнтры Еўропы - заўсёды была рэгiёнам, на развiцце якога iстотны
ўплыў аказвалi культуры як Захаду, так i Усходу. Тут сустракалiся палiтычныя
iнтарэсы магутных суседнiх дзяржаў, асноўныя рэлiгiйныя плынi, розныя стылi
мастацтва. Тут квiтнела сярэдневяковая дзяржава Вялiкае княства Лiтоўскае,
былi i часы, калi беларускiя тэрыторыi ўваходзiлi ў склад суседнiх краiн.
Разам з тым спрадвеку iснавала нейкая своеасаблiвасць гэтай зямлi, а яе
культура i мастацтва мелi адметныя рысы, давалi свету сваiх годных прадстаўнiкоў.
Як напамiн пра гэтыя гiстарычныя i культурныя падзеi засталiся на Беларусi
iх нерухомыя сведкi - архiтэктурныя помнiкi. На жаль, войны, якiя праходзiлi
па гэтай тэрыторыi, палiтычныя катаклiзмы, бязлiтаснае XX стагоддзе назаўседы
пазбавiлi сучасную Беларусь вялiкай колькасцi гiстарычна-культурных помнiкаў.
I ўсё ж шмат iх захавалася, няхай i далёка не ўсе ў лепшым стане. Некаторыя
з тых, што яшчэ можна захаваць для нашчадкаў, бяздумна губляюцца зараз,
у мiрны час. Таму давайце уважлiвей углядзiмся ў тое, што засталось. Магчыма,
мы зразумеем нешта новае пра сябе.
Фотапраект рэкламнага агентства "Гальфстрым" "На пачатку трэцяга…" - гэта
спроба стварыць архiтэктурны фотапартрэт краiны на сiмвалiчным рубяжы тысячагоддзяў.
Усе прадстаўленыя тут здымкi зроблены ў 2001-2004 гадах, што дае рэдкую
магчымасць убачыць гэтыя помнiкi ў iх рэальным сучасным стане. |
